Om Plan Vest Bergen og Plan Vest Stord

Plan Vest har areal- og samfunnsplanlegging som arbeidsfelt med firma i Bergen og på Stord. Vår målsetting er å vere med aktivt i samfunnsutviklinga i diskusjonen om nye vegval og gjennom arbeidsprosessar synleggjere kvalitative mål. Vi ynskjer å sjå heilskap gjennom estetisk god utforming og planlegging, og å skape planar som harmonerar med omgjevnadene og byggekultur på staden.

Plan Vest set fokus på funksjonelle, kvalitative - og estetisk godt funderte løysingar, og deltek i planfaglege vurderingar innan samfunnsutvikling, særleg gjennom arbeid med kommuneplanar, konsekvensutgreiing og gjennom prosjekt innan samfunnsgeografi, kulturminneanalyse og samferdsle/vegplanlegging.

Landskapsarkitektur står og sentralt ved prosjektering av uteområde i samband med utbyggingsprosjekt, byrom og gatetun m.v.

Oppgåvene vi tek på oss krev gjennomgåande høg fagkompetanse og gode planressursar på eit høgt nivå. Med lang røynsle frå mange ulike prosjekt i kommunar på heile Vestlandet har vi oppnådd brei og variert kunnskap som kjem kundane til gode. Vi har kundar frå dei små som eig eit mindre område til dei store eigedomsutviklarane som vil ha hjelp til å sjå eit potensiale i eit område. Vi kjenner plan og bygningslova godt og har erfaring frå kommunalt saksarbeid. Dette er to viktige komponentar fram mot ferdig godkjent plan. Plan Vest føl opp planarbeidet frå start og fram til ferdig godkjent plan i kommunen.